Friday, May 15, 2009

Þá er það

Ísland.

Sjáumst þar í sumar.

Thursday, May 14, 2009

Annar

í júróvisjon.

Og mikið óskaplega held ég nú með Noregi.

Tuesday, May 12, 2009

Fyrsti

í júróvisjon er í dag.

Mikið ofboðslega held ég að framlag okkar Íslendinga falli glæsilega úr keppni í kvöld.

Spái okkur í botn 5.

Monday, May 11, 2009

Síðasta vika

þessa skólaárs er upprunnin.
Ekkert margt sem á eftir að gera, en þó smá:
-Eitt lítið próf í hljómsveitarstjórnun
-Tónleikar hjá lúðró
-Síðustu tímar í öllum fögum

og svo er það bara að pakka og drífa sig heim til Íslands á föstudaginn.

Thursday, May 07, 2009

Mánudagsmorgnar

halda áfram að slá í gegn.

Síðastliðinn mánudagsmorgun áttum við að læra um hörpu í skólanum. Þegar þangað var komið fengum við verkefni dagsins: Að skrifa lag fyrir hörpu. Ekkert athugavert við það. Afar viðeigandi verkefni. En lagið átti að semja STRAX! og skila á hádegi þennan sama mánudag.

Já, sæææll.

Við lagasmíðina fengum við að nota eftirfarandi hjálpartæki:
- Nokkrar bækur um hörpuleik.
- Hörpukonu. Sem vildi samt frekar að við notuðum bækurnar til upplýsingaöflunar, en hún var öll af vilja gerð að koma með hljóðdæmi, spiluð á staðnum.
- Hörpu. Sem við máttum fikta í að vild. Ég notfærði mér það góða boð nú reyndar ekki, þar sem ég er einhverra hluta vegna alltaf hrædd um að svoleiðis tæki detti í gólfið og brotni í þúsund mola ef maður svo mikið sem andi á þau. Það væri ekki gaman.

Hörpukonan lenti í því fyrir nokkru að hörpunni hennar var stolið. Hver stelur eiginlega hörpu? Og hvernig fór vikomandi að því? Það er ekki eins og þetta sé hljóðfæri sem maður getur borið með góðu móti. Álíka meðfærilegt og píanó myndi ég segja. (Og álíka dýrt og flygill).

En allavega, verkefni mánudagsmorgunsins gekk vel og reyndist hin besta skemmtan.
Næsta mánudagsmorgun fáum við svo að heyra afraksturinn. Þá verður hörpukonan búin að æfa öll lögin, og mun leika þau af sinni alkunnu snilld.

Það verður nú gaman

Sunday, May 03, 2009

Skrímsl

Lenti í bráðri lífshættu í morgun. Það er alltaf óþægilegt svo árla sunnudags.
RISA fluga sem líktist geitungi tróð sér inn um gluggann minn. Mér tókst með snarræði að koma henni út aftur. Þurfti þó til þess að opna gluggann töluvert meira. Skil ekki alveg hvernig henni tókst að koma sér inn um rifuna.
Þetta er eitt af örfáum ókostum við að búa í Útlöndum - skrímsli dulbúin sem flugur eða önnur skordýr.

En við þetta þarf ég ekki að búa lengi að þessu sinni. Held til sumardvalar á landinu ísa (þar sem risa skordýraskrímsli búa ekki) eftir tæpar tvær vikur. Helstu viðkomustaðir fyrstu dagana á landinu verða Sólheimar, Höfuðborgin og Vestmannaeyjar.

Húrra fyrir Eyjum!

Friday, May 01, 2009

Í dag

er 1. maí.

Til hamingju með daginn verkalýður.